في الجنة
هقابل كل اللي حبتهم وفرقت بيننا الظروف والمسافات
هقابل اصحابي اللي كنت بلعب معاهم وأنا صغيرة واللي مش فاكرة منهم غير ملامحهم
واسماءهم الأولى
هقابل جدتي اللي ماشوفتهاش
وأمي اللي مالحقتش اشبع منها
وهقابل كتير قرايب في العيلة عمري في حياتي ماشوفتهم
يمكن أشوف فيهم واحدة تشبهني تمام
في الجنة
مافيش فراق
مافيش بعد
مافيش مسافات
وسفر وغربة
مافيش موت..
في الجنة
أجيال كتير هتتقابل
بقلوب صافية واخلاق حلوة و وش بشوش
في الجنة
مافيش طبقات ولا مستويات بالمادة
في بس بالتقوى
في الجنة
متع كتير عمرنا ماسمعنا عنها ولا شوفناها
رغم كل متع الحياة المحفوفة بالألم
متع الجنة أكبر منها وابدية مابيتبعهاش حزن ولا ألم
في الجنة موعدنا نتقابل للابد
لان الحياة مهما طالت هتنتهي
ومهما طال قربنا اكيد لسبب هنفترق
طب ليه متمسكين بالدنيا ومتعها المزيفة ؟
بنبص بس تحت رجلينا ومعندناش بعد نظر؟
الحياة يسعد بها من علم أنها مجرد طريق
تعرفي بقالي فترة بقول نفسي أموت وأروح الجنة عشان مش هيكون عندي سكر ومش أكل حاجات وحاجات لا..وهشوف كل حد بحبه..أنا مش بخاف من الموت بس بخاف أموت وأنا غضبه ربنا..يارب أحسن خاتمتنا ونتقابل كلنا في الجنة إن شاء الله..أما عن الناس ليه مش بتبص إن الحياة طريق..ببساطة الشهوات ركبتهم وسائقتهم كا لأنعام!!
ردحذف