وقت مافكرت اخد هدنة من الكتابة واوقف الكتابة تماما حتى لو كانت تويتات قصيرة واخرج من دائرة النت لبعض الوقت اعمق فيه قراءاتي واعيش مع نفسي بعض الوقت في عزلتي اللي اشتقت ليها
وجهت لي دعوة مميزة وجديدة في فكرتها ماقدرتش ارفضها الفكرة في حد ذاتها تخلق جواك التحدي
ولاقيتني بسأل نفسي معقول هقدر اكتب كل يوم لمدة سنة ؟!!
ليه لاء ؟ طب مااجرب واخوض التجربة مش يمكن اكتب كويس ؟
لاقيت جوايا اتنين بيتصارعوا
حد مهزوم مايل للعزلة مش شايف انه عنده اي طاقة يقدر يطلعها تاني
وحد عنده حماس كبير حاسس ان الدعوة جت في معادها عشان تهزم اليأس اللي جوايا وتخلق ابداعات جديدة
واخيرا استسلم الشخص اليائس بداخلي للشخص المتحمس وكانت هذه المدونة
وأول تدوينة و الله المستعان يقدرني أكمل "حول" من الكتابة
أرجو أن تكون تجربة ممتعة لي ولجميع المشاركين والقراء أيضا
عزيزتى الاميرة ما اطعم البدايات بداية قصة جديدة لاميرة الحكايات :) يلالالالالالالالالالالالا وشيلى خصية التدقيق على التعليقات وهيهااااااااات :)
ردحذفجميل :-)
ردحذفمن الواضح إن الحوليات جت فى وقتها لينا جميعا يا أميرتنا ^_^ ربنا يوفقك ويلهمك الحكايا والمعانى الجميلة :)
ردحذفكتبت ما بداخلي بكلماتك فشكرا لك
ردحذف